Легендарниот кантавтор Момчило Бајагиќ – Бајага на Новото гробље во Белград ја испрати својата мајка Јованка Бајагиќ на вечно почивање. Таа почина на 16 јуни 2026 година во својата 94-та година. Помеѓу бројните колеги и пријатели кои дојдоа да изразат сочувство, семејството и најблиските се собраа на опелото по кое беше извршена кремација.
Иако Бајага ретко зборува за својот приватен живот, познато е дека мајка му му беше огромна и тива поддршка во животот. Таа беше една од преживеаните од озлогласениот логор Јасеновац од периодот на Втората светска војна, каде што го загубила машкиот дел од своето семејство.
Само еднаш проговори за семејната трагедија
Музичарот со децении ја чуваше оваа болна тема подалеку од јавноста, сè до премиерата на филмот „Дара од Јасеновац“, кога призна дека се двоумел дали воопшто да ѝ дозволи на мајка си да го гледа остварувањето.
„Мојата мајка живееше во Хрватска кога ја собраа неа и сите членови на нејзиното семејство и ги однесоа во логор. Сите мажи од нејзината фамилија настрадаа таму. На кој начин таа успеала да се спаси од тие стравоти, не сакам и не можам да зборувам“, изјави тогаш Бајага.
