Почина американскиот комичар и актер Боб Њухарт, кој е најпознат по хит серијата „Теоријата на Биг Бенг“ (The Big Bang Theory(. Имаше 94 години.
Познато е дека Њухарт починал во својот дом во Лос Анџелес по кратко боледување. Пријателите и колегите сè уште не можат да поверуваат во оваа загуба и на социјалнте мрежи напишаа сочувство до семејството.
„Од неговите револуционерни стенд-ап дела до два класични ситкоми, тој правеше да се смееме за цел живот. Навистина единствен. Ти благодариме, Боб Њухарт“, напиша актерот Марк Хамил, кој глумеше како Лук Скајвокер во франшизата „Војна на ѕвездите“.
Инаку, актерот остави зад себе четири деца и 10 внуци.
Њухарт ја започна кариерата во 1950-тите, кога почна да работи во хумористична емисија на телевизија. Интересниот начин на зборување и пелтечењето го направија сензација. Подоцна почна да глуми во филмови.
Светот го освои со главната улога во хит филмот „Елф“.
Потоа дојде улогата на очувот на Сузан Мајер во серијата „Очајни домаќинки“. Но, серијата „The Big Bang Theory“, во која тој го играше професорот Артур Џефрис, му донесе уште поголема популарност.
Во текот на својата речиси 70-годишна кариера, Боб доби многу престижни награди. Поточно, три Греми, Еми и Златен глобус. Исто така, неговиот албум од 1960 година, The Button-Down Mind of Bob Newhart, стана првиот комедијален албум на врвот на Билборд листата и го зазеде второто место на листата на најпродавани албуми во Велика Британија.
