Глумецот Ричард Раундтри почина на 81 годишна возраст.
Американскиот актер Ричард Раундтри, кој се прослави со улогата на приватниот детектив Џон Шафт во популарната серија „Шафт“ од 1970-тите, почина на 81-годишна возраст од рак на панкреасот, објави неговиот менаџер Патрик Мекмин.
„Работата и кариерата на Ричард претставуваат пресвртница за Афроамериканците во филмската индустрија. Влијанието што тој го имаше врз индустријата е несомнено“, рече Мекмин за „Варајети“.
Раундтри почина во својот дом во Лос Анџелес во вторникот. „Шафт“ во еден од своите филмови сподели кадар со југословенската глумица Неда Арнериќ.
