Британската актерка Меги Смит почина на 89-годишна возраст, пишува Гардијан повикувајќи се на изјава од нејзините синови.
Актерката почина во раните утрински часови на 27 септември во лондонската болница Челзи и Вестминстер.
„Ја ценеше својата приватност, на крајот од животот беше со пријателите и семејството. Остави зад себе два сина и пет внуци вљубени кои длабоко тагуваат поради загубата на нивната извонредна мајка и баба“, се вели во соопштението на синовите на актерката, Крис Ларкин и Тоби Стивенс.
Меги Смит е родена во 1934 година, а својата театарска кариера ја започна на 17-годишна возраст на сцената на Playhouse во Оксфорд. Во 1956 година, Смит го имаше своето деби на Бродвеј, а потоа и на екранот. Првата забележителна филмска улога на актерката беше во трилер кој и донесе номинација за БАФТА.
Во раните 1960-ти, познатиот британски актер Лоренс Оливие ја покани Меги Смит да се приклучи на трупата на Кралскиот национален театар. Набргу потоа, актерката ја доби својата прва номинација за Оскар за улогата на Дездемона во филмската адаптација на театарската продукција на Отело.
We’re devastated to hear of the death of
Dame Maggie Smith, whose career has spanned the theatrical, film and television world without equal. 💔Her relationship with the National Theatre began in its very first season in 1963, working alongside Laurence Olivier at the Old Vic. pic.twitter.com/2SX0L4GUio
— National Theatre (@NationalTheatre) September 27, 2024
Меги Смит е препознаена како една од најважните британски сценски актерки, со успешна кариера во текот на животот. Меѓу најпрепознатливите заслуги на Смит на филмското платно во последните децении се улогите на професорката Минерва Мекгонагал во епот за Хари Потер и грофицата Вајолет Кроули во ТВ серијата Downton Abbey.
Dame Maggie Smith, the trailblazing British actress known for her iconic roles in “Harry Potter” and “Downton Abbey,” has died. https://t.co/9eUFwJHySp pic.twitter.com/21aCQVoIHh
— USA TODAY Video (@usatodayvideo) September 27, 2024
Меги Смит има освоено два Оскари, пет награди БАФТА, три награди Златен глобус, четири награди Еми, пет награди на Здружението на актерите и една награда Тони. Смит е една од 14-те актерки кои освоија врвни награди за сценска, филмска и телевизиска работа. Во 1990 година, кралицата Елизабета Втора и ја додели на актерката почесната титула Дама.
