Лорин, победничката на овогодинешниот избор за песна на Евровизија, е на удар на лутата публика која мнозинството гласови му ги дала на претставникот на Финска.
Тоа го потврдуваат и големиот број дислајкови на Јутјуб кои се појавија на видеото од нејзиниот настап во финалето.
Видеото на кое Лорин ја изведе песната „Тетоважа“ е прегледано повеќе од 10 милиони пати во последните 48 часа и доби 100 илјади лајкови. Но, бројот на „дислајкови“ (недопаѓања) е поразителен.
Речиси 180 илјади корисници на Јутјуб покажаа јавно недопаѓање кон Лорин и нејзината победа.
„Нема сомнеж дека Лорин е одличен уметник и ова е добра песна, но ова не беше изведба достојна за победа“, стои во коментарот кој собра неверојатни 10.000 лајкови.
