Пејачката Мина Костиќ вчера била однесена во придружба на полицијата во психијатриската установа „Лаза Лазаревиќ“, а нејзиното момче Мане Ќурувија Каспер, пристигнал утрово во Белград.
За нивниот однос вчера многу почна да се шпекулира во спрската јавност и медиумите, па дури и го обвинија Каспер за фактот што пејачката завршила во таква установа.
Пријателот на Мина, познатиот пејач Неша Твинс открил за српски „Телеграф“ дека престанал да комуницира со неа кога таа влегла во врска со Каспер.
– Не сум во тек… откако таа влезе во врска со Каспер, јас не сум бил во контакт со неа толку многу бидејќи ѝ беше добро – изјавил тој за „Телеграф“.
– Се чувствуваше добро, беше заљубена и тоа е сè што знам, а сега сум во шок… – додал Неша.
Веста дека пејачката Мина Костиќ е хоспитализирана во Специјалната болница „Д-р Лаза Лазаревиќ“ одекна како бомба вчера, а многумина се прашуваа каде е нејзиниот партнер Каспер и зошто не се огласува.
Како што дознава „Информер“, тој утрово слетал во Белград.
Каспер пристигнал во Србија со лет од Цирих во 8:30 часот наутро, откако претходно долетал од Соединетите Американски Држави. Според изразот на неговото лице можело да се забележа дека е многу загрижен.
Мина Костиќ е задржана на понатамошно испрашување, а во оваа установа дошла во придружба на полицијата поради нејзиното агресивно однесување, пишува „Телеграф“. Како што дознава, Мина е сместена во одделението за интензивна нега, каде што е под постојан надзор на медицинскиот персонал.
