Пејачот Горан Вукошиќ, долгогодишен пријател и колега на Мина Костиќ, откри дека сепак нема да биде кум на нејзината свадба со свршеникот Мане Ќурувија Каспер.
Мина Костиќ деновиве е во центарот на вниманието на јавноста откако на 31 мај беше сместена во Психијатриската клиника „Лаза Лазаревиќ“. Според медиумските извештаи, пејачката била донесена во придружба на полиција, откако покажувала знаци на агресивно однесување.
Нејзиниот свршеник Мане Ќурувија Каспер, кој живее и работи во Соединетите Американски Држави, веднаш отпатувал за Србија по веста за нејзината хоспитализација. Во меѓувреме, нивната љубовна приказна и свршувачка станаа една од главните теми во медиумите, а се појавија и шпекулации дека токму Горан Вукошиќ ќе биде кум на нивната свадба.
Сепак, пејачот појасни дека станува збор за недоразбирање.
„Кога се емитуваше емисијата во која Мина и Каспер се свршија, реков дека знам кој ќе биде кум и дека кумството не се одбива, но не бев доволно прецизен. Во емисијата беше присутна кумата на Каспер и токму поради тоа настана целото недоразбирање“, изјави Вукошиќ.
Тој додаде дека нема да биде кум на свадбата, но дека знае кој ќе ја има таа улога.
„Нема да бидам кум, но знам кој ќе биде“, кратко порача пејачот.
Вукошиќ исто така изјави дека е загрижен за здравствената состојба на Мина Костиќ и откри дека и претходно знаел оти таа се соочувала со одредени проблеми, но секогаш оставала впечаток на силна и храбра жена.
