Поранешниот фудбалер и поранешен сопруг на Јелена Карлеуша, Душко Тошиќ, неодамна ја потврди врската со извесна Нора, а јавноста со нетрпение ја очекуваше реакцијата на пејачката. Карлеуша сега се огласи со остра порака, не штедејќи критики ниту кон Тошиќ, ниту кон неговата нова партнерка.
Нејзината објава на социјалната мрежа „Икс“ ја пренесуваме во целост:
„Ќе ги замолам сите медиуми, со кои навистина имам убав и коректен однос, да не ги ставаат моето име и мојата фотографија во насловите кога пишуваат за мојот поранешен сопруг и неговиот живот. Наслови од типот ‘новата девојка на поранешниот сопруг на Јелена Карлеуша’ содржат само мое име, а мојата фотографија е во прв план. Разбирам дека во спротивно никој не би го прочитал текстот, но не сакам да имам никаква врска со човек кого повеќепати сум го пријавувала во полиција за семејно насилство, поради физички напади врз мене и мојот партнер, поради кршење брави и неовластено влегување на приватен имот, поради нередовно плаќање алиментација и слично.
Исто така, не сакам моето име и мојата фотографија да се ставаат покрај фотографии на жени кои се водат во полициски евиденции поради проституција. Изборите и испадите на мојот поранешен сопруг се само негова работа и не ме интересираат, затоа не сакам да ме поврзувате со нив. Човек кој бил подготвен да разменува пораки со Северина не заслужува медиумски простор. Ви благодарам“, напиша Карлеуша.
