Јелена Розга важи за една од најнегуваните дами на регионалната сцена, а сега откри што всушност се крие зад нејзиниот беспрекорен изглед. Како што самата призна, за негата на кожата води сметка уште од самиот почеток на кариерата.
„Од мојата прва заработка, од првиот концерт, не купив ниту чевли, ниту фустан, јас си купив креми“, започна Розга и додаде дека не постои шанса по настап да легне во кревет без да ја извади шминката.
„Нема шанси. И најуморна да сум, и да не знам за себе… нема изговори. Негата е секојдневен процес, кај мене нема прескокнување. Уште на дваесет и неколку години одев на разни третмани и секогаш го избегнував сонцето“.
Една од нејзините најголеми тајни, како што вели, е токму избегнувањето на сончевите зраци. Розга тврди дека веќе речиси 20 години внимателно го чува својот тен и воопшто не се изложува на сонце без потреба.
„Јас немам видено сонце 15 до 20 години. Мене сè што е претерано не ми е убаво. Има ли нешто поубаво од негувана и сјајна кожа, со што е можно помалку шминка? Страшно многу се негувам и се занимавам со себе“, призна таа во емисијата „Happy fm“.
Благодарение на ваквите навики, многумина коментираат дека Розга изгледа значително помладо за своите години, а таа порачува дека убавината не се крие во прескапите третмани, туку во доследноста и секојдневната грижа за себе.
