Жерар Пике беше под голем притисок во последните месеци и уште повеќе откако се врати во центарот на вниманието по објавувањето на песната што Шакира му ја посвети.
Поранешниот фудбалер стана центар на вниманието на медиумите и папараците, нешто што понекогаш го тера да го губи трпението, како што се случи со шпанскиот новинар Жорди Мартин, кој откри некои детали од животот на Каталонецот и отворено ја покажа својата поддршка за Шакира.
Мартин неодамна јавно објави дека Пике многу внимателно го следи на социјалните мрежи.
„Мојот најдобар пријател ме гледа“, напиша Мартин.
Одговорот на поранешниот играч на Барселона не се чекаше долго и ѝ остави контроверзна порака: „Престани да се дрогираш. Кокаинот е многу штетен“.
На одговорот на Пике реагираше и Мартин, иако на крајот го избриша. Тоа што го кажа немаше да му се допадна на Каталонецот.
Me vigila mi mejor amigo 🤦♂️😁 pic.twitter.com/mopF4VsN65
— Jordi Martin (@jmpaparazzo) January 27, 2023
„Не те тагнувам а реагираш. Постојано ги гледаш моите „приказни“, те мрази половина свет и ми одговараш само со нешто со што не треба да се занимаваш“, напишал Мартин.
„Можеби има нешто што те загрижува и не сакаш да излезе во јавност? Дали твојата девојка носи (емотикон со рогови – што имплицира на неверство)? Ај, ај, ај…“, додава новинарот.
Не знаеме дали војната меѓу двајцата ќе продолжи на социјалните мрежи, но во меѓувреме се чини дека Пике е фокусиран на новата врска со Клара Чиа, со која не се двоуми да се појави во јавноста.
Всушност, тој тоа го официјализираше во својата последна објава на Инстаграм со фоографија од нив двајца.
