Пентагон објави дека не може да ги потврди информациите дека два руски проектили паднале во Полска и убиле две лица, пренесува Ројтерс.
– Свесни сме за извештаите во печатот дека две руски ракети погодиле локација во Полска, во близина на границата со Украина. Во моментов немаме никакви информации кои би ги потврдиле овие извештаи, дополнително го истражуваме тоа – изјави портпаролот на Пентагон, Патрик Рајдер.
За потсетување, во селото Пржеводов на полската страна на полско-украинската граница во попладневните часови се случи експлозија во која според првичните информации две лица загинале.
Полска е членка на НАТО. Членот 5 налага дека во случај на напад врз една членка, сите други членки мора да ја бранат.
