Пејачот на групата „Green Day“ Били Џо Армстронг изјави дека ќе се откаже од американското државјанство и ќе се пресели во Англија бидејќи е многу вознемирен затоа што Врховниот суд ја поништил пресудата со која се легализираше правото на абортус пред 50 години низ целата земја.
Пејачот ја прокоментира својата одлука пред публиката на концертот во Лондон во петокот: „Америко, се откажувам од моето државјанство. Еб..о доаѓам овде“, изјави Армстронг.
„Има премногу глупости во светот за да се вратиме на тој мизерен изговор за државата. Не се шегувам. Ќе видите многу од мене во наредните денови“, додаде тој.
Армстронг продолжил да ја прозива Америка на настапот на групата во Хадерсфилд, Англија, следниот ден, пренесува „Дејли мејл“. Тој ги нарекол судиите „глупави кучки“ и рекол: „Е.и се Врховен суду на Америка“.
50-годишниот Армстронг е фронтмен на групата од 1987 година. Тој е меѓу бројните либерални познати личности кои изразија гнев поради одлуката на Врховниот суд да го отфрли случајот на Ро против Вејд. Пресудата ефикасно стави крај на признавањето на уставното право на абортус и им даде на поединечните држави овластување да ја дозволат, ограничат или забранат оваа практика целосно.
View this post on Instagram
