Пејачка Мијата (Наташа Мијат Крстевска) прослави 19 години брак со сопругот Златко Крстевски, а убавиот повод го одбележа со романтична објава на Инстаграм, од плажа на Кипар, каде што двојката ужива во заедничките моменти.
„19 години на господин Џек Даниелс и госпоѓа Џин-тоник“, напиша Мијата на англиски јазик, алудирајќи на нивните омилени пијалаци.
Сликата, таа ја објави со познатата љубовна песна „Pour que tu m’aimes encore“ од Селин Дион, чиј наслов во превод значи „За повторно да ме сакаш“.
Објавата е направена во хотелот „Dome Beach Hotel & Resort“, кој се наоѓа во Аја Напа, на Кипар, познат по песочните плажи и тиркизното море.
View this post on Instagram
Мијата со години е присутна на македонската музичка сцена и е препознатлива по својот силен специфичен вокал, авторскиот израз и емотивните песни. Покрај музичката кариера, таа работи како контролор на летање, професија која бара голема концентрација, одговорност и прецизност.
Мијата раскажа како со сопругот Златко Крстевски, кој е спортски новинар, успеваат да најдат време еден за друг покрај професионалните и семејните обврски.
„Тие такви блиц средби еден на еден ни помагаат да си припаднеме и да ја задржиме блискоста на едно поинакво ниво“, изјави пејачката, која со сопругот ги има синот Калин и ќерката Никита.
View this post on Instagram
Пред четири години, двојката ја прослави 15-годишнината од бракот на Исланд. Тогаш Мијата му посвети емотивна порака на сопругот: „Те сакам неизмерно, г-дине Крстевски“.
