На филмскиот фестивал во Венеција, Анџелина Џоли го слави својот триумф откако филмот на Пабло Ларен, „Марија“, во кој ја толкуваше улогата на оперската дива Марија Калас, доби осумминутни овации од публиката, пишува Пипл. Слично беше пречекан и на филмскиот фестивал Телурид, каде актерката отиде по премиерата во Венеција.
Според неа, таа ја вложила целата своја душа во филмот.
„Имав седум месеци часови по опера, одлични учители и часови по италијански јазик и тим за поддршка… Знаев дека додека давам се од себе, Пабло ќе биде добро и филмот ќе успее. Знаев дека треба да направам се што е можно за да помогнам да се реши загатката, но знаев и дека тој е љубезен човек и дека ме поддржуваше, а тоа многу ми помогна“, признава Џоли.
По заминувањето на Џоли од Венеција, пристигна нејзиниот поранешен сопруг Бред Пит. Имено, на Филмскиот фестивал во Венеција беше прикажан филмот „Волци“ со Бред Пит и Џорџ Клуни во главни улоги, филм што наиде на остри критики од критичарите. Актерите соработуваа за првпат по 2008 година, кога беше објавен филмот Burn After Reading.
Како и да е, новиот филм на Бред Пит и Клуни критичарите го нарекоа „ѓубре“, му дадоа една ѕвезда и си доби епитет на „неиздржлива комедија“.
