Н 23 септември во 2014 година почина Душан Љубисављевиќ- Дуле, едната половина од штипското дуо Дуле и Коки. Виолината остана без гитарата, а Коки неретко знае да се сети на својот пријател и да сподели спомен.
-Ме следат многу работи, секојдневно. Нема ден да не помислам и да не се сетам на нешто. Дуле беше Коки, Коки беше Дуле. Различни, а исти.
Ден-денес кога поминувам некаде, некој ќе викне по мене: „Дулеее! Немам проблем со тоа. Важно е дека сѐ уште постоиме. Луѓето ги засакаа песните. Дуле отпеа и запиша историја.
Останаа недоправени и недоречени нешта. Доцна сфатив дека тоа што е за Бог, дај му го нему, тоа што е за народот, дај го на народот. Ни Дуле не го разбра тоа“, рече Коки во една прилика за „Слободен печат“.
Следната година се навршуваат цели 30 години откако песната „Виолина и гитара“ победи на фестивалот Макфест. По тој повод, Коки Јанков сподели емотивна објава на социјалните мрежи:
-Полека, полека, се навршуваат 30 години од „Виолина и гитара“, тоа значи дека договдина 2026 ќе се случи еден голем концерт како што доликува. Подготовките започнуват од есенва“, напиша Коки.
