Пејачот Никола Роквиќ требаше да настапи на 6 декември во Сплит, Хрватска, но тоа нема да се случи. Сега тој се огласи и ја наведе причината за откажувањето на концертот.
Имено, како што открива Роквиќ, наводно имало проблем со документацијата.
„За жал, поради неисполнување на условите од договорот, настапот е откажан. Се гледаме во Сплит во друга пригода“, напиша Никола Роквиќ на Инстаграм.
Инаку, бројни пејачи имаа проблеми со дозволите во последните денови. Слоба Радановиќ и Барбара Бобак беа вратени од Шведска, а Џејла Рамовиќ беше приведена за време на настап во Кичево.
