На 4 септември почина Бора Ѓорѓевиќ, фронтмен на групата „Рибља чорба“. Зад себе ги остави неутешната сопруга Дубравка, синот Борис и ќерката Тамара. Тој остави неизбришлива трага и во музичкиот свет.
Погребот на пејачот беше извршен минатата сабота, на 7 септември, на Градските гробишта во Чачак.
И неколку дена по погребот, фанови од целиот регион доаѓаат на гробот на Бора и носат различни подароци.
Големо внимание привлече писмо во корпа со бели маргаритки, а кое го напишал извесен маж од Нови Сад и тоа во римувана форма (на српски јазик).
„Ете, се најде и твојата слика на страниците на секој неделник и не е некоја прилика, но на својот Чачак остана гордост. Поважен од секој лик, име погласно од секој крик, но ете, се најде и твојата слика на страниците на некој неделник. Ти помогна самиот Бог да бидеш под зелената трева на домот свој. Ова не е проштална песна, иако ти е вечно „вољно“, ќе ти пишам јас пак, сега немав доволно хартија. П.С. Ветувам, ќе биде помалку патетично, само сега таква ми е состојбата“ – гласат стиховите на извесниот маж, пишува српски Курир.
