Актерот Бен Афлек, неговата свршеница Џенифер Лопез и 10-годишниот син на Афлек, Семјуел, кој го има од бракот со поранешната сопруга Џенифер Гарнер, се снимени во неделата на улица во Лос Анџелес. Тие се најдоа во центарот на вниманието поради инцидентот што го направи момчето.
Додека седеле во жолтиот луксузен автомобил „ламборџини“, Афлек решил на својот наследник да му овозможи малку забава.
Семјуел седнал на возачкото седиште и се обидел да го вози автомобилот, а фоторепортерите снимија како набрзо удира во автомобил паркиран зад него.
View this post on Instagram
Во тој момент од автомобилот излегле Лопез, Семјуел и Афлек. Полицијата набрзо дошла на местото на настанот за да направи записник. Исплашеното момче цврсто го прегрнувало својот татко давајќи му до знаење дека му е жал поради тоа што го направил.
Портпаролите на познатиот актер открија дека во овој немил настан нема поголема материјална штета на автомобилите ниту жртви.
