Само неколку дена по погребот на кралицата Елизабета Втора, кралското семејство се соочува со нов проблем – најновата книга за кралското семејство насловена „It’s Courtiers: The Hidden Power Behind the Crown“ од авторот Валентин Лоу, што се најавува како ново експлозивно издание за принцот Хари и Меган Маркл.
Дописникот на „Тајмс Ројал“, Валентин Лоу открива пикантни детали во книгата, особено посветувајќи ѝ простор на Меган Маркл.
Меѓу бројните пикантерии, авторот наведува дека Меган Маркл не била воодушевена од извршувањето на кралските должности, а тоа што била принудена да го прави тоа уште и бесплатно особено ја лутело.
Ваквото мислење дури го искажала и гласно во времето кога војводите од Сасекс биле на официјална турнеја низ Австралија, Нов Зеланд и Фиџи, во 2018 година.
„Иако на Меган ѝ се допадна вниманието, таа не ја сфати поентата на сите овие прошетки, ракувања со безброј непознати луѓе. Според член на послугата, барем во една прилика била слушната како вели: „Не можам да верувам дека не добивам плата за ова“, пишува Валентин Лоу.
Во книгата пишува и дека Меган Маркл го малтретирала персоналот и била бесна што не смеела да ги задржи подароците кои ги добивала од најразлични организации.
