Шпанскиот новинар Жорди Мартин преку социјалните мрежи откри дека бившиот партнер на Шакира, протагонистот на „розовите“ хроники во последните неколку месеци, веќе има нова врска – со адвокатката која се грижи за разделбата меѓу фудбалерот и пејачката.
По многубројните мемиња и подбивливи коментари на социјалните мрежи за крајот на врската меѓу Шакира и Пике и потоа, за „одмазничката“ песна, „Музичка сесија #53“, од Шакира; по шегите за Твинго и Ферари, Ролекс и Касио; следува епизода од сапунската опера: изгледа дека поранешниот фудбалер веќе ја изневерил и својата нова партнерка Клара Чиа Марти со адвокатката која се занимава со неговата разделба од колумбиската пејачка.
Новата протагонистка на сентименталната приказна е Јулија Пуиг Гали (братучетка на фудбалерот Рики Пуиг, поранешен соиграч на Пике во Барселона), 25-годишна адвокатка со диплома по право и магистер по економско кривично право.
Веста ја откри на социјалните мрежи, шпанскиот фотограф и новинар Жорди Мартин.
#Polémica | Desde que Jordi Martín, corresponsal de El Gordo y La Flaca en España, aseguró que #GerardPiqué engañó a #ClaraChía, los rumores sobre la supuesta infidelidad cada vez toman más fuerza https://t.co/qrwWVpQQhc
— Diario Las Américas (@DLasAmericas) January 24, 2023
Веста ги разгорува озборувањата, но тоа не е чудно бидејќи шпанскиот печат наголемо зборува за тоа дека неверниот Пике не знае да се скраси, и за неговото присуство на забави во најексклузивните приватни клубови во Барселона заедно со убави жени, дури и за време на разделбата од Шакира, односно додека бил (или се уште е) во врска со Клара Чиа.
Шпанските медиуми пишуваат дека Клара Марти веќе ја напуштила куќата во која живеела со спортистот (избор кој се заснова на алузиите во песната на Шакира на обидот на Пике да ја врати назад пејачката) а таблоидниот магазин Socialité откри дека Жерард и адвокатката се забавувале уште пред три години и биле видени заедно за време вечерите кои фудбалерот ги поминувал токму во приватните клубови. „Сите знаеме што се случило таму“, пишува „Социалите“ кој раскажува дека Жерард, откако ја избрал Јулија за адвокатка за разделбата од Шакира, продолжил да се гледа со неа дури и приватно, иако веќе бил заедно со Клара, која сега изгледа ставила крај на нивната приказна, која сè уште беше во зародиш.
Piqué habría sido ya infiel a Clara Chía con una joven abogada, según ‘Socialité’ https://t.co/pDCxtBugx3
— 20minutos.es (@20m) January 22, 2023
