Непријатна случка доживеа фолк-пејачката Анета Љумаковска на „Фолк фест Валандово“ на кој настапи минатата недела.
Имено, како што објави порталот „Свет Австралија“, се случила семејна драма на пејачката од Битола, која важи за еден од најдобите женски вокали.
„Без конкуренција највпечатлива двојка беа Анета Лумаковска и нејзиниот нов сопруг, Рубин Размоски – Размо.
Откако двајцата ги завршија своите претходни бракови, одлучија на светот јавно да му ја покажат својата љубов. На ‘„Фолк Фест Валандово“ 2026’ тие беа пар како насликан од најубава приказна. Анета едноставно сјаеше , нејзиниот лик беше толку разубавен и озарен, што се гледаше дека е силно вљубена, среќна и исполнета покрај Размо. Целата вечер не се делеа еден од друг, а дополнителна топлина на целата слика ѝ даде присуството на нејзината мајка, Лилјана Лумаковска. Таа потврди дека е најсреќна мајка кога ја гледа искрената среќа на својата ќерка“, пишува порталот.
„Арно ама вакви настани не поминуваат и без малку драма. На финалната забава после фестивалот, за малку ќе им се расипеше сето расположение на битолчани, односно на семејството Љумаковски. Мајката Лилјана во паника пријави дека ѝ го нема новчаникот и дека е изгубен. За среќа, по кратката потрага, новчаникот беше најден паднат во нивниот автомобил, па драмата заврши со вистински среќен крај“, стои во текстот.
Инаку, Анета Љумаковска, Јане Динев и „Анета бенд“ за песната „После сѐ“, освоија трета награда, Томислав Коцевски – Пепси награда за најдобар аранжман.
