Пејачката Ана Бекута синоќа настапуваше на плоштадот во Чачак по повод Српската Нова година, но на настапот се случи нешто неочекувано. Во еден момент, дел од присутните почнале да ја гаѓаат со снежни грутки и ледени парчиња, по што пејачката јавно реагираше од бината.
– Срам да ви е! Имате ли мајка? Имате ли сестра? Имате ли баба? Срам да ви е! Каде е полицијата? Дали некој си ја врши работата? Ние нема повеќе да пееме и да свириме! Ајде, рацете горе! – порача Бекута, барајќи реакција од надлежните и апелирајќи публиката да се смири.
По овој немил настан, пејачката не се огласи јавно, но непосредно пред настапот во Чачак на Инстаграм сподели видео од нејзина постара изведба на песната „Сѐ сум стекнала сама“.
Особено внимание привлече делот каде што Ана ги пее стиховите:
„Само не знам како со старата болка да се носам.“
