Велика Британија не испратила покани за крунисувањето на кралот Чарлс Трети до лидерите на некои земји, вклучувајќи ги Русија и Белорусија, пишуваат руските медиуми.
Според Ројтерс, повикувајќи се на неименуван извор, Британија не ги поканила претставниците на Русија, Белорусија, Венецуела, Авганистан, Иран и Сирија на крунисувањето на кралот Чарлс Трети.
Всушност, поканети се шефовите на сите држави со кои кралството има дипломатски односи, како и претставниците на британските прекуморски територии. Во случајот со Северна Кореја и Никарагва, според изворот, покани биле упатени до високи дипломати.
Да потсетиме дека крунисувањето на 74-годишниот Чарлс Трети ќе се одржи во Вестминстерската опатија во Лондон на 6 мај, осум месеци по смртта на неговата мајка Елизабета Втора. Бакингемската палата претходно објави дека на настанот се поканети повеќе од 2.000 луѓе од 203 земји.
