Пејачката Наташа Беквалац се наврати на нејзините три брака од кои си замина поради несогласувања со партнерите и, како што вели, шаблонот на машко-женските односи кој постојано се повторувал. Таа зборуваше и за нејзиното бегство од родителите, тема која особено ја погоди и не можеше да ги задржи солзите, па ја напушти емисијата.
-Разбирливо е еднаш да згрешиш, но јас три пати влегов во идентичен модел. Мојот избор на мажи беше сличен со енергијата на татко ми затоа што веројатно се враќав во комфорната зона во однос на машката фигура – започна Беквалац во емисијата „На терапија со Славица Ѓукиќ Дејановиќ“.
-Никогаш не би можела да живеам како мајка ми и затоа се разведував. Да останев во некој од тие три брака, сите ќе личеа на бракот на моите родители. Не велам ништо лошо за нивната врска, но тоа едноставно не е моја шолја чај. Тие создадоа однос што им одговара, но тоа е однос во каков што јас не можам да се замислам – рече пејачката додавајќи дека се мажела во налет на љубов и слепило.
-Јас навистина влегував во такви односи. По кратки врски влегував во бракови – објасни таа и се присети на една од најголемите грешки во животот, која, како што самата признава, ја направила во знак на протест против родителите.
View this post on Instagram
-Склона сум кон бурни реакции и грешки токму поради тој авторитет. Најголемата грешка што ја направив беше на крајот од четврта година средно, кога побегнав од дома, но не поради љубовта кон тоа момче, како што зборуваа луѓето и пишуваа медиумите, туку од желба да покажам дека можам да бидам свој човек – рече таа, а потоа додаде дека била преплашена и немала план, туку само сакала да избега.
Тоа оставило голема трага врз неа и од Белград во Нови Сад се вратила како сосем нова личност и продолжила да живее сама.
-Не сакав да им нанесам болка на моите родители – низ солзи рече таа.
-Моите родители многу се грижеа за угледот и ме нервираше тоа што понекогаш беше поважно како ќе биде прикажано нашето семејство отколку како навистина живееме. Уживав во тоа зашто со заминувањето го нарушив угледот на моето семејство. Се казнив себеси, а не нив, но тоа беше мојот начин во тој момент – заклучи Беквалац и ја прекина емисијата зашто емоциите сепак беа пресилни за неа.
