Најпопуларната и најмоќна српска инфлуенсерка со светска слава, Тамара Калиниќ, наскоро ќе застане на лудиот камен, а деновиве на социјалните мрежи покажа како ги поминува последните денови како „слободна девојка“.
Тамара воопшто не штедеше за ова незаборавно патување, па за себе и за својот најтесен круг на пријателки изнајми приватен авион со кој отпатуваа на суперлуксузна дестинација. Таа ги сподели првите кадри од гламурозната моминска вечер каде позира во краток бел фустан со светки, дополнет со невестински превез, со порака: „Пристигна невестата“.
View this post on Instagram
Она што веднаш привлече огромно внимание е цената на нејзиниот стајлинг. Мини белиот фустан што го избра за оваа прилика е дело на познат светски моден бренд и чини неверојатни 2.500 евра (околу 293.000 динари). Интересно е што на оваа луксузна прослава Тамара беше придружувана од само неколку најблиски другарки, со кои уживаше во интимна, но екстремно скапа атмосфера.
За потсетување, инфлуенсерката наскоро на тајна церемонија ќе му го каже судбоносното „да“ на својот долгогодишен партнер, италијанскиот бизнисмен и моден моќник Филипо Теста. Парот е во складна врска веќе со години, а официјално се верија во 2023 година.
