Пејачката Надица Адемов му се заколна на вечна љубов на својот партнер, бизнисменот Дамир од Германија, по неколку години заеднички живот, а сега се појавија и првите фотографии по склучувањето на бракот, пренесуваат српските медиуми.
Парот тајно се венчал на 21 август во Скопје, во присуство на сведоци, по што веднаш ги спакувале куферите и заминале на патување за да уживаат во првите брачни денови.
Надица и Дамир веќе имаат две деца, а по неколку години вонбрачна заедница решиле конечно да стапат во брак и да си ветат вечна љубов.
Откако го кажале судбоносното „да“, новопечените сопружници веднаш ги спакувале куферите и отпатувале на море во Грција, каде што моментално уживаат на заедничкиот одмор, кој воедно им е и меден месец.
Надица ја изненади јавноста откако се огласи и ја објави првата фотографија по тајната венчавка. Таа сподели фотографија на која ја ставила својата рака врз раката на сопругот, додека во преден план блескаат скапите бурми. Како што дознаваат српските медиуми, станува збор за бурми од познатиот луксузен бренд за накит „Cartier“, за кои парот издвоил околу 5.000 евра. Фотографиите може да ги погледнете ТУКА.
Пред да ја крунисаат својата љубов со брак, Надица и нејзиниот избраник на почетокот на годината тајно се преселиле во нов, луксузен имот. Станот има огромна површина од дури 185 квадратни метри.
„На Надица одеднаш ѝ се укажа можност за тој стан. Станува збор за целосно нов имот, кој ја пречекал целосно опремен. Требало да се средат само некои ситници, но главно сè било по нејзин вкус. Претходниот сопственик го купил и го опремил станот, па така нов и среден го продал, без претходно во него да живеел или престојувал кој било“, открива извор близок до пејачката.
Цената на овој имот е астрономска. Квадратниот метар бил платен околу 4.500 евра, што значи дека за станот не издвоиле помалку од 830.000 евра.
„Ова е навистина голем имот, кој ретко кој може да си го дозволи, а на секого не му е ни потребен толкав простор. Сепак, Надица сега со семејството го има комфорот по кој долго трагаше“, објаснува истиот извор, пишува „Блиц“.
