Деновиве се одбележува 32 години од смртта на легендарниот пејач Тома Здравковиќ.
Иако многумина ќе го памтат како ненадминат кафански пејач, боем и интерпретатор на лирски сензибилитет, Тома Здравковиќ беше многу повеќе од тоа. Тој беше комплетен уметник кој ја живееше својата уметност. Освен што ги пеел своите песни, ги пишувал и компонирал, но и ги живеел. Секоја ја почувствува на своја кожа. Секоја ја одболувал, па затоа своевремено го нарекоа и пејач на тагата. Не може да биде ништо полично, поискрено, попроверено. Тоа е основната причина зошто неговите песни не познаваат граници, ни време ни простор. Затоа ги слушаме неговите песни во моменти кога ни треба посебен вид на утеха, инспирација или разбирање. Тома помина низ сето тоа, го отпеа и го направи наше лично.
Да се набројат песните што му донеле статус на легенда би значело деградирање на неговата креативност. Една од нив е и „Го допрев дното на животот“ (Дотакао сам дно живота) од 1984 година.
Со текот на времето се родија бројни теории за тоа што всушност мислел кога напишал (секако подоцна и отпеал) дека го достигнал дното на својот живот. Овие теории ги поби самиот Здравковиќ кога еднаш во едно интервју изјави:
-Сфатив дека ништо не сум направил, а бидејќи бев сигурен во себе решив да пробам нешто ново. Во Германија пеев по кафеани каде доаѓаа наши луѓе. За овие луѓе илјада марки се богатство, а кога ги имаат, по природа стануваат арогантни и безобразни, ти туркаат сто марки, сакаат да те купат. Во Канада знаев каде ќе работам, дека нема да пеам во „Хилтон“ или во „Холидеј ин“. Луѓето кои ме слушаа беа внимателни, додека не ме изгустираа. Потоа почнаа да ме исмејуваат, да зборуваат дека сум пропаднал, дека немам каде да пеам и дека буквално сум го допрел дното на мојот живот – објасни своевремено Тома.
Ако тоа навистина бил поводот да ја напише оваа своја легендарна песна, тогаш човек не може а да не се запраша која е жената од песната за која болно се прашува како да ја заборави?
И уште едно прашање се наметнува на кое нема ( се уште) одговор. Како е возможно ваква потресна песна да испее поради лоша финансиска состојба во која се нашол во гастербајтерскиот свет? Неверојатно е дека тоа била причината за создавањето на оваа потресна песна. Неговата драма мора да била поболна, поемотивна, поразорна.
View this post on Instagram
