Пејачката Селин Дион продолжува да се бори со синдромот на вкочанетост, а нејзината сестра Клодет сподели новости за здрaвствената состојба на пејачката.
„Таа што е можно повеќе ги слуша врвните истражувачи на полето на оваа ретка болест. Искрено мислам дека најмногу што треба е да се одмори. Таа секогаш оди понатаму, секогаш се труди да биде најдобра и врвна. Во еден момент, вашето срце и тело се обидуваат да ви кажат нешто. Важно е да се слуша“, изјави Клодет за Le Journal de Montreal, пренесува Mirror.
Клодет објасни дека нејзината сестра Линда се преселила кај Селин, која е најмладата од четиринаесетте браќа и сестри, за да и помогне додека се бори со исцрпувачката болест.
„Ние и веруваме. Тоа и е вродено, дисциплинирана е во сите области од нејзиниот живот… Не можеме да најдеме лек кој делува, но имаме надеж, што е важно“.
Селин страда од симптоми кои вклучуваат грчеви и вкочанетост на мускулите.
Селин им ја откри својата дијагноза на обожавателите во октомври 2021 година, кога беше принудена да ја одложи својата турнеја во Лас Вегас. Таа потоа откажа дел од нејзината северноамериканска турнеја во јануари оваа година.
„Навистина се надевав дека сега ќе можам да заминам, но претпоставувам дека само треба да бидам потрпелива и да го следам режимот што го препишаа лекарите“, изјави тогаш познатата пејачка.
