Пејачката Кети Пери е член на жирито на овогодинешното шоу „Американски идол“, а во последната епизода од шоуто за таленти пред сите и пукнаа кожените панталони, токму на задникот. Но, духовитата Кети веднаш најде решение за оваа ситуација.
Се се случило додека 37-годишната Пери го пеела својот голем хит „Teenage Dream“. Натпреварувачите ја наговориле да импровизира со нив, таа клекнала и го запеала рефренот, а потоа се слушнал звукот на нејзините тесни црвени панталони кои пукаат, но пејачката веднаш успеала да се снајде.
– Може ли да добијам лента? – прашала досетливата Пери.
Таа со раката ја покрила дупката на панталоните и се упатила кон асистентите на снимањето. Другите двајца членови на жирито, пејачите Лајонел Ричи (72) и Лук Брајан (45) не можеле да престанат да се смеат. Сепак, Брајан на крајот и помогнал да ја затвори пукнатината.
Инаку, ова не е прв пат Кејти да се најде во ваква ситуација. Пред четири години и пукнаа панталоните додека снимала емисија во истото шоу.
– Денеска имам добри и лоши вести. Нема да можам да настапувам во живо – напишала Кејт тогаш на Твитер и открила дека и се искинале панталоните.
