На млада девојка ѝ се слоши на настапот на Елена Ристеска во Градскиот парк во Скопје во саботата. Елена пееше на настанот „Нешто што ќе остане“ во Паркот на Франкофонијата заедно со други нејзини колеги.
Во еден момент, Елена го прекина настапот и рече дека на девојка од првите редови ѝ се слошило, и го замоли обзебедувањето да реагира, а публиката се исплаши.
-Дали си добра“, ја праша пејачката девојката, а обезбедувањето ја тргна од толпата и ѝ ја однесе кај медициниските лица да ѝ пружат помош. На настанот имаше и волонтери од Црвен крст.
-Ве молам, немојте да се туркате толку блиску еден до друг, топло е. Гледате што може да се случи“, им рече Елена на фановите. Среќа е што таа и тимот брзо реагираа, а девојката си замина дома.
Елена Ристеска потоа го продолжи настапот, на кој целата публика пееше со неа, а ги испеа своите најголеми хитови. Настанот беше организиран од Општина Центар.
Го водеше Вера Јанковиќ, а свои концерти одржаа и Дарио, Кристина Арнадуова. Викторија Лоба, „2 бона“ и Барбара Поповиќ.
