Шерон Барнс, директорка на канадско средно училиште во Еден, моментално е под притисок на родителите на учениците кои на Фејсбук открија дека ја слуша групата „Iron Maiden“ и затоа побараа таа да добие отказ.
Незадоволните родители побарале смена на директорката бидејќи, според нив, таа отворено изразува симпатии кон сатанските симболи и окултните практики.
View this post on Instagram
– Отвореното прикажување на сатанските симболи е директно во судир со вредностите на училиштето. Затоа бараме да се смени Шерон Барнс и на нејзино место да дојде друг директор – стои во петицијата потпишана од 553 родители, пишува „Independent“.
Меѓутоа, неколку ученици одлучија да застанат на страната на директорката. Досега, нивната петиција е потпишана од нешто повеќе од 22.000 луѓе. Тие изјавија дека не ја одобруваат осудата на директорката врз основа на нејзините објави на социјалните мрежи и дека властите не смеат да го игнорираат фактот дека Барнс одлично ја обавува работата во училиштето.
View this post on Instagram
– Таа направи многу напори да ги научи учениците дека Еден е место каде што се почитуваат разликите, па дури и направи посебна просторија во која учениците можат да се молат. Ова е просторија што може да ја користат сите студенти кои се од христијанска вера. Тоа го направи училиштето побезбедно и тоа е еден од најдобрите и најрасположените директори што некогаш го имало ова училиште, напишаа учениците во петицијата.
