Хрватската пејачка Маја Шупут, гостувајќи во новиот подкаст на „ИН Магазин“, за првпат отворено проговори за тајните околу нејзиниот развод. Иако јавноста дозна за крајот на нејзиниот брак во јуни 2025 година, Маја откри дека вистината била далеку поинаква и дека процесот започнал многу порано.
„Сите дознаа во јуни, а јас всушност се разведов во март, додека документите ги поднесов уште во јануари. Молчев цели шест месеци“, призна пејачката.
На прашањето како успеала да го сочува тоа во тајност, таа објасни дека продолжила да живее со поранешниот сопруг како ништо да не се случило.
„Сè беше нормално, дури и откако се разведовме, заминавме заедно во Дубаи, јас, тој и нашиот син Блум“, додаде таа.
Маја и Ненад се венчаа во 2019 година во Истра, а две години подоцна го добија синот Блум. Иако веста за разводот ја сподели на Инстаграм дури минатата година, таа тогаш нагласи дека одлуката е донесена спогодбено и без драма. Пејачката потенцираше дека и покрај разделбата, тие остануваат семејство во нова форма и дека Блум е нивниот најголем заеднички приоритет, поради што продолжуваат да функционираат како тим во секојдневниот живот.
