Беше доволен само еден натпревар името на Елој Ром да се најде во центарот на вниманието на социјалните мрежи. По високиот пораз на репрезентацијата на Курасао од Германија, корисниците на ТикТок не го коментираа само резултатот, туку и неговиот приватен живот.
Имено, Ром е сопруг на Зорана Јовановиќ, попозната како Зоранах, една од најпознатите инфлуенсерки во регионот. Поради тоа, покрај спортските анализи, многу брзо почнаа да се шират и коментари поврзани со нејзините објави и навивањето за репрезентацијата на нејзиниот сопруг.
View this post on Instagram
Зорана за натпреварот подготви посебно издание. Внимание привлече нејзината црна јакна украсена со фотографии од сопругот, кој е прв голман на Курасао. По натпреварот, социјалните мрежи беа преплавени со коментари на нејзина сметка.
„Одлично почнаа, се гледа дека им носиш среќа“, „Заблагодари му се на сопругот, те молам. Од 1:1 стигна до 7+“, ѝ пишуваа следбениците.
Инфлуенсерката по натпреварот објави заедничка фотографија со сопругот со пораката: „Засекогаш горда на тебе“.
Подоцна се осврна и на критиките што се појавија по натпреварот.
View this post on Instagram
„Благодарам на сите што одвоија време, го гледаа натпреварот и ни испратија поддршка. Тоа многу ни значи. А што се однесува до останатите – информирајте се. Репрезентацијата на Курасао во оваа форма постои дури од 2011 година“, порача таа.
Таа потсети и на големата разлика меѓу германската репрезентација и Курасао и нагласи дека самиот пласман на Светското првенство е голем успех.
„Мојот сопруг не е Супермен, а фудбалот не е индивидуален спорт. Тој е еден од единаесеттемина“, додаде таа.
Зорана Јовановиќ со години важи за една од највлијателните инфлуенсерки во регионот. Кариерата ја започна како блогерка, а денес нејзините профили на социјалните мрежи ги следат повеќе од еден милион луѓе. Со следбениците редовно споделува содржини поврзани со модата, патувањата и приватниот живот.
View this post on Instagram
