Пејачката Мина Костиќ неодамна беше пуштена од психијатриската клиника „Лаза Лазаревиќ“, каде што помина 23 дена и оттогаш јавно не се огласуваше.
Соседите велат дека Мина Костиќ не го напуштила станот откако пристигнала од болница, а пејачката кратко потоа отиде на одмор со свршеникот Мане Ќурувија Каспер.
Многумина се прашуваа што се случило, со оглед на тоа што Мина била донесена во болница под полициска придружба откако покажала знаци на агресија, но пејачката никогаш не зборуваше за тоа јавно. По повеќе од две недели, таа одлучи да се огласи и да продолжи да споделува објави на социјалните мрежи.
Таа сега објавила интервју со својата постара колешка Станојка Митровиќ Ќана која зборувала за Мина и за сè што ѝ се случило, давајќи ѝ поддршка.
– Многу ми е жал, но среќна сум што гледам дека излегла од сето тоа и ја видов фотографијата дека е на море со Каспер. Мило ми е што тој човек покажа во нејзините најтешки моменти дека е со неа, тоа е голема работа. Ѝ пишав, но нејзиниот телефон… Ѝ пишав како поддршка, но гледам дека пораката не е отворена – рекла Ќана за „Хајп“, па одговорила на прашањето дали мисли дека ова е нејзината вистинска љубов.
– Не сум видела некој друг што се потрудил да ѝ помогне од тие нејзините поранешни. Го видов само него, човекот ја посетуваше, допатува од толку далеку за да дојде тука. Тој не само што беше таму додека таа беше во болница, туку дури и ја однесе на море, што сега ѝ е неопходно – истакнала пејачката.
Мина била трогната од овие зборови, па напишала и коментар:
– Ти благодарам, драги моја Ќано. Многу ми значат твоите зборови и искрената поддршка – додала Мина Костиќ со објавата во која исто така пишувало: „Конечно некој нормален, со нормално размислување и коментирање“.
