На денешниот ден – 8 ноември, Православната црква и нејзините верници го слават празникот посветен на Светиот великомаченик Димитриј, во народот познат како Митровден.
Митровден е празник со кој се поврзани многу народни обичаи. Едно од нив е „предвидувањето“ според времето – доколку денеска има дожд и мраз, нè очекува долга и студена зима со многу снег!
Исто така, постои верување дека на овој празник, исто како и на Божиќ, треба да бидете дома, освен ако не сте поканети на слава.
Оттука и старото верување дека ако Митровденската ноќ ја поминете надвор од дома, цела година ќе спиете надвор од дома и ќе се карате во туѓи куќи.
