Пејачката Дара Бубамара синоќа имаше настап во Црна Гора, на кој пристигна и нејзиниот дечко Владан, и тоа со приватен авион од Дубаи, пренесе српски Информер.
Дечкото на пејачката, кој е 24 години помлад од неа, ја искористи приликата да помине време со Дара, бидејќи таа ќе престојува во Црна Гора уште некое време, каде што има закажано уште два настапа.
Успешниот бизнисмен од Дубаи, за кого пејачката годинава планира да се омажи, пристигна директно на нејзиниот настап и тоа со приватен авион, само за да биде покрај неа за време на престојот на приморјето.
Во клубот, каде што пејачката настапуваше, сите погледи беа вперени кон неа, но и кон мистериозниот партнер кој цело време беше во нејзина близина. Не го симнуваше погледот од Дара додека редеше хитови и ја доведуваше атмосферата до врв, а околу него имаше лично приватно обезбедување кое дискретно го следеше секој негов чекор, пренесува Информер.
