Кога Елена Китиќ, ќерката на познатиот пејач Миле Китиќ, пред извесно време ја објави возачката дозвола на својот татко од осумдесеттите години, издадена во САД, многумина обожаватели беа изненадени кога видоа дека во документот стои името „Милојко Китиќ“. Поради тоа, дел од јавноста започна да шпекулира дека пејачот го променил своето име.
Подоцна, Китиќ за медиумите објасни дека Милојко е неговото вистинско име, но дека тоа малкумина го знаат.
Тој вели дека дури и дел од неговото семејство не е запознаен со тоа.
„Многу ретко ме викаат Милојко, дури и во семејството има луѓе што не знаат дека се викам Милојко, туку мислат дека сум Миле. Милојко ми е името, тоа ми го даде мојот покоен татко. Во селото имаше еден човек кој беше и коцкар и женкар, проблематичен, но беше главен во селото, се викаше Милојко. По него го добив името“, изјави пејачот за „Телеграф“ во една прилика.
Тој додаде дека станува збор за малку шумадиско име, иако е роден во Босна.
