Српскиот водител и актер Милан Калиниќ по разводот од сопругата Сандра изнајмил стан на Врачар во којшто живее.
Соседите на актерот од зградата раскажале како изгледа неговото секојдневие по разводот и преселбата во новиот стан, а како што тврди српски „Курир“, тој постојано непрописно го паркира возилото во центарот на градот и ги маскира регистарските таблички со изолир лента за да избегне казна.
– Го гледаме, од неодамна е тука. Тој обично излегува наутро и попладне, за да ги земе децата од Вождовац и да ги носи на училиште и на тренинг. Инаку, делува прилично осамено, ретко излегува од станот, освен кога оди во продавница или да набави храна. Ниту една жена не носи во станот. Ми се чини дека му е многу непријатно поради сè што се пишува за него по разводот, па се крие од нас. Децата понекогаш спијат кај него, тој ми изгледа како грижлив татко – изјавил еден од соседите на Милан за српски „Курир“.
Веста дека Милан Калиниќ се разведува од сопругата по 18 години брак шокираше многумина. Двајцата беа во брак од 2006 година, а во бракот добија две деца.
Како што истакнува извор близок до Калиниќ, Сандра и тој решиле да му стават точка на бракот на почетокот на оваа година, кога одлучиле дека за нив и за нивните деца е најдобро секој да оди по својот пат. Набрзо го напуштил заедничкиот стан на Вождовац каде живееле со години и веднаш почнал да бара нова недвижност за себе.
Во меѓувреме, Милан се вселил во станот на мајка му Боба Којовиќ со која во последно време е неразделен.
