Најстарата сестра на Наташа Беквалац, Драгана, денес има 53 години, води успешен бизнис и семејство, но зад себе носи и исклучително тежок период од животот – кога ѝ бил дијагностициран тумор на панкреасот.
Иако пејачката Наташа Беквалац е особено блиска со своите сестри, јавноста најмногу ја познава Кристина. Постарата сестра Драгана, пак, ретко се појавува во медиумите. Таа е најстарата од трите сестри Беквалац и веќе со години успешно раководи со сопствен бизнис – два салони за убавина, во Нови Сад и во Белград. Среќно е мажена за Михајло Шекуларац, со кого има две ќерки кои се занимаваат со музика и спорт.
Со својот изглед, Драгана често добива комплименти дека може да парира на многу помлади жени од естрадата. Во моментов престојува во Црна Гора, а објавите на нејзиниот Инстаграм профил редовно привлекуваат бројни коментари.
Во една објава упатена до својата ќерка, Драгана се присети на 11 април 1999 година – ден кој целосно ѝ го променил животот.
„Беше бомбардирање… бев во деветтиот месец од бременоста и ми се слоши во авион. Слетавме итно и следеше предвремен пород. Останав сама во болница меѓу непознати луѓе, не знаев јазик, а потоа ми соопштија дека имам тумор на панкреасот и акутен панкреатитис“, напиша таа.
По породувањето следела тешка постпородилна депресија. „Не сакав веќе ни да живеам, но по две недели ја прифатив ќерка ми и тогаш започна мојот ролеркостер“, искрено признала Драгана.
Таа ја опишува својата ќерка како храбра, интелигентна и самостојна девојка: „Понекогаш ми вели – не знам што ти не е јасно, па не ме роди кога требаше. Но јас сум горда што е своја, што знае што не сака, и што направи многу нешта кои јас не сум се осмелила. Денес сум горда мајка на силна жена, уметничка душа и исправна личност.“
