Принцот Хари ги руши сите рекорди кога станува збор за продажбата на мемоарите наречени „Резервa“. Веќе некое време е една од топ темите на светската јавност. Сепак, многумина забележаа дека неговата сопруга Меган Маркл се повлече. Многумина се навикнати да ги гледаат Хари и Меган како прават сè заедно, но овојпат не е така.
Од сега веќе легендарното интервју со Опра Винфри во март 2021 година, до минатогодишната документарна серија за Нетфликс, тие беа заедно. Но, штом војводата од Сасекс ја започна промотивната кампања на долгоочекуваната книга, Меган како да пропадна во земја.
Малкумина можат да разберат зошто е тоа така, бидејќи книгата е хит, а продажбата ги руши сите рекорди. Ова го потврди и Лари Финлеј, директор на издавачката куќа „Пингвин Рендом Хаус“:
– Отсекогаш знаевме дека оваа книга ќе успее, но ги надминува и нашите највисоки очекувања. Единствените книги што продадоа повеќе примероци на првиот ден беа оние со Хари Потер.
Накратко, за Меган не е карактеристично да не е наоколу, покрај Хари, во јавност. Дотолку повеќе што книгата не е само хит, туку и многу профитабилен проект. Нејзиниот сопруг бил „дебело“ платен со аванс од 20 милиони долари.
Според магазинот Marie Claire, Меган е во Монтесито со нивните деца Арчи и Лилибет бидејќи Хари ги заслужил своите „пет минути“.
Како што секогаш има добро информиран извор во приказните од кралските семејства, така и блиска личност на двојката тврди дека на Меган ѝ одговара ваква оддалеченост од фокусот на настаните, макар и на кратко. Наголемо се зборува дека таа работи на своите мемоари, како влез во светот на политиката, кој долго време ја привлекува.
