Марлен Вилис откри како комуницира со нејзиниот син по неговата дијагноза.
Мајката на Брус Вилис, Марлен Вилис, се доверила на роднина како болеста на филмската ѕвезда влијае на неговиот живот и на начинот на кој тој се однесува со светот околу него.
„Таа не е сигурна дали нејзиниот син сè уште ја препознава“, објасни Вилфрид Глием, братучед на мајката на Вилис, во интервју за Билд.
„Неговото однесување е многу забавено, секогаш има мала агресивност и веќе не може да се води нормален разговор со него“.
„Иако ваквото однесување е вообичаено за неговата клиничка состојба“, додава тој.
From the Cannes archives, circa 1997. pic.twitter.com/1Hn8KmuSw2
— Demi Moore (@justdemi) May 17, 2022
Глием рече и дека Марлен многу страда поради нејзините внуки, но уверена е дека семејството ќе успее да го преброди овој тежок период заедно.
Сегашната сопруга на Вилис, Ема Хеминг, неговата поранешна сопруга Деми Мур и петте ќерки на актерот, вклучувајќи ги и поголемите (од бракот со Мур) Румер, Скаут и Талула, детално го опишаа тешкото време низ кое тој минува на 68-годишна возраст.
Здравствената состојба на Вилис, за жал секојдневно се влошува.
На 19 март тој го прослави 68 роденден. Неговата сопруга Ема, за роденденот, не сакаше да ги крие тешкотиите во моментот што го доживуваат:
„Понекогаш во животот мораме да ги облечеме алиштата на возрасните и да се соочиме со тоа. Тоа е она што го правам. Но, секој ден имам моменти на тага и болка, а тоа го чувствувам и денес на неговиот роденден“, напиша таа на Инстаграм, објаснувајќи и дека во моментов нема лек за болеста на нејзиниот сопруг, но дека има надежи за иднината. „Како што напредува состојбата на Брус, се надеваме дека вниманието на социјалните мрежи може да донесе јасност за оваа болест на која и треба повеќе истражување и свесност“.
