Француската телевизија „Франс 2“ наскоро ќе прикажува ТВ-серија за познатата глумица Брижит Бардо. Во улогата на секс-симболот од минатиот век, ќе се појави младата, нова и засега прилично непозната Жулија де Нунез.
– Ова не е биографски филм. Не ми се допаѓа тој збор. Ова ќе биде дел од животот на глумицата, изјави режисерот.
Серијата „Бардо“, којашто неодамна беше претставена на Фестивалот во Лил, но сѐ уште се снима, ќе има шест епизоди од 52 минути.
Сѐ уште не е познат точниот датум на прикажувањето. Серијата на режисерката Даниела Томпсон и нејзиниот син Кристофер се однесува на десет години од животот на славната Брижит Бардо – од нејзината прва улога во 1950. до 1960 година, со нагласка на култниот филм од 1956 година – „И Бог ја создаде жената“.
View this post on Instagram
