Словенечкиот кошаркарски ас Лука Дончиќ, кој живее во Љубљана, го прослави раѓањето на своето второ дете во големо друштво и со специјален музички гостин – регионалната ѕвезда Саша Матиќ. Прославата траела до раните утрински часови, а атмосферата, според присутните, била „вриечка“.
Како што пренесува словенечкиот портал 24ur.com, желбата на Дончиќ и неговата вереница Анамарија Голтес била токму Саша Матиќ да запее на нивната приватна забава, па организацијата била направена до најситен детал.
„Сè се среди многу брзо. Саша ја крена масата на нозе и ги внесе гостите во транс додека ги редеше своите најголеми хитови“, изјавил извор присутен на славјето.
На фотографиите до кои дошол порталот се гледа и таткото на Лука, поранешниот кошаркар Саша Дончиќ, кој гордо го прославувал доаѓањето на новиот член на семејството. Меѓу присутните биле и кошаркарот Едо Муриќ, пејачот Миро Тодосовски, како и блиски пријатели и роднини на семејството Дончиќ.
Анамарија Голтес уште во средината на ноември на Инстаграм објави фотографија од подготвената торба за породилиште, најавувајќи дека моментот се ближи. Одлуката парот повторно да се породи во Словенија привлече големо внимание, бидејќи ја нагласува нивната силна врска со родната земја.
Лука Дончиќ и Анамарија Голтес се познаваат од детството, а во романтична врска се од 2016 година. Откако неколку години живееја во САД, каде што Дончиќ ја гради својата НБА кариера, во јули 2023 ја официјализираа својата љубов со веридба. Со раѓањето на второто дете, семејството Дончиќ ја започнува новата животна поглавје исполнето со радост и заедништво.
