Пејачката Марија Шерифовиќ приреди емотивно изненадување за Јована Пајиќ по повод нејзиниот роденден, а сите детали ги сподели со своите следбеници на Инстаграм. Марија во текот на вечерата објави серија инстаграм приказни, на кои се гледа дека за Јована организирала забава изненадување.
На едно видео се гледа моментот кога Јована влегува во просторијата и сфаќа дека ја чека прослава, додека во позадина летаат конфети, а присутните ја пречекуваат со смеа и аплауз.
Шерифовиќ покрај видеата духовито напиша: „А она што ти не можеш ни да го замислиш, остави ми го на мене.“
На друго видео се гледа Јована пред роденденската торта со свеќи во облик на бројот 37, додека Марија ѝ упатува искрени желби.
Во емотивната порака ѝ посака „сонце, топло море, мир во душата, здрави деца и живот со куфери“.
Посебно внимание привлече и кадарот од почетокот на вечерата, на кој се гледа Марија во опуштено издание како стои гушната со Јована пред морето, со порака: „Нека оваа година биде таа во која ќе го избираш себе. Тивко, сигурно, без бучава и без оправдувања.“
Дружењето меѓу Марија Шерифовиќ и Јована Пајиќ долго време беше тема во медиумите, па дури се шпекулираше дека Шерифовиќ е виновна за разводот на Јована од Александар Цветковиќ, познат како Сале Тропико.
– Немам коментар за тие глупости. Секако дека сум во контакт со Јована, но многу е глупо да се пишуваат такви работи – изјави своето време поранешниот сопруг на Јована Пајиќ.
