Една од најголемите легенди на народната музика, Лепа Лукиќ, во строга тајност работи на филм посветен на нејзиниот живот и кариера.
Иако веќе подолго време се зборува за овој проект, пејачката сè уште не сака да открива многу детали, особено кога станува збор за актерките кои ќе ја глумат.
– Во мојата глава веќе имам една актерка, но можам да откријам дека ќе ме толкуваат три актерки. Секоја ќе претставува различен период од мојот живот. Има уште многу работа. Сè е договорено, но не сакам ништо да се зборува однапред – вели Лепа.
Таа нагласува дека станува збор за сериозен проект кој бара внимателна и темелна подготовка, а продуцентите и сценаристите инсистираат на целосна дискреција.
– Тие не сакаат проектот да се открива предвреме. Кога ќе ми кажат што смеам да споделам, тогаш со задоволство ќе ги откријам сите детали. Ова е голем проект и мора да се работи внимателно – истакнува пејачката.
Во овие денови дополнителна радост ѝ носи и роденденот.
– Утре ми е роденден и поради тоа сум особено среќна. Сè некако убаво се совпадна, и приватно и професионално – признава Лепа со насмевка.
Таа открива дека ја очекува долг и емотивно тежок процес на работа со сценаристите.
– Најмалку два месеца ќе морам да седам со нив и детално да им го раскажувам целиот мој живот – од детството до денес. Нема прескокнување, сè мора да се знае и разбере – вели таа.
Лепа додава дека нејзиниот животен пат бил сè само не лесен и дека токму во тоа се крие силата на приказната.
– Немав никој што ќе ме турка напред. Сè постигнав сама. Мојата биографија е интересна уште од најрана возраст – искрено вели пејачката.
Со носталгија се присети и на детството и првите чекори кон музиката.
– Бегав од дома за да одам на аудиции за пеење. Кога ќе се вратев, добивав ќотек, но не се откажував. Имав сон и знаев дека тоа е мојот пат, без разлика на сè – раскажува Лепа.
Како што истакнува, токму тие тешки моменти, борбата, жртвите и подемите ќе бидат сржта на филмот.
– Ова не е само приказна за естрадата и песните, туку за борбата на едно девојче, жена и уметница. За успесите и падовите, љубовите и разочарувањата, но и за вербата во себе. Ако веќе се снима филм за мојот живот, сакам да биде искрен – заклучува Лепа Лукиќ.
