Фолк-легендата Лепа Лукиќ со децении отворено признава дека единствениот порок што го има е коцкањето. Иако за многумина оваа тема е табу, пејачката никогаш не криела дека повремено оди во коцкарница за да се опушти.
Според информации што неодамна излегоа во јавноста, токму едно такво излегување ѝ донело и исклучителна добивка.
Извор близок до Лукиќ открива дека пејачката еднаш освоила повеќе од 14 милиони динари, а приказната и денес се споменува меѓу љубителите на игрите на среќа.
„Лепа Лукиќ често беше гостинка во еден ресторан на Косово, каде што имаше и коцкарница. Една вечер освои повеќе од 14 милиони динари. Имаше неверојатна среќа и во тоа време важеше за вистински страв и трепет во коцкарските кругови. Таа анегдота и денес се прераскажува на слави и собири кога ќе се спомне нејзиното име“, тврди изворот.
И самата Лепа Лукиќ во повеќе наврати истакнувала дека не гледа ништо спорно во тоа што го троши сопствениот заработен новец онака како што смета дека е исправно.
„ Не разбирам зошто некому би му пречело тоа што ја ги трошам моите пари. Јас сум ги заработила и мое право е како ќе ги потрошам. Во пензија имам повеќе слободно време, но сум активна и сакам да се движам и да одам каде што можам“, изјави таа во едно интервју.
Пејачката нагласува дека никогаш не претерувала и дека коцкањето за неа не значи расфрлање со пари.
„Кога одам да се коцкам, тоа обично се мали суми. Не пијам и не пушам, тоа кај мене е строго правило. Никогаш не сте можеле да ме видите пијана во кафана“, вели Лукиќ.
