Филмските права за „Били Самерс“ – криминалистички роман напишан од американската писателска ѕвезда Стивен Кинг, се веќе купени од Ворнер Брос. Филмот ќе биде продуциран од „Appian Way“, кој е во сопственост на актерот и продуцент Леонардо ди Каприо, и „Bad Robot“ на режисерот Џеј Џеј Абрамс.
Според американските медиуми, проектот е во развој, доколку се биде во ред, Абрамс би можел да стане режисер на филмот, а Леонардо ди Каприо ќе го игра главниот лик. Сценариото го пишуваат Ед Цвик и Маршал Херсковиц.
Првично беше планирано да се произведе мини-серија од десет епизоди во февруари 2022 година за кабелски и стриминг услуги, но подоцна беше одлучено дека книгата ќе се долови подобро во целосен формат, односно преку долгометражен филм.
(Фото) Леонардо Ди Каприо има нова убавица: Моделката од Израел има само 19 години
Били Самерс е детективски роман објавен на 3 август 2021 година. Според заплетот на книгата, Били е изнајмен убиец кој размислува да се пензионира, но познат мафиозо му го нуди последното нешто – да убие уште еден професионален убиец, Џоел Ален, кој е подготвен да го одземе животот на секого.
