Лазар Ристовски последните денови е во центарот на вниманието поради врската со 39 години помладата Аница Лазиќ, а за нивната љубов се зборува со денови.
Тој претходно стави точка на повеќедеценискиот брак со сопругата Даница, исто така позната глумица, со која живееше во семејната куќа во Земун. Но, нивните соседи сега открија дека актерот веќе ја продал оваа вила, а за Лазар немаа многу убави зборови.
„Ристовски веќе ја продаде куќата. Одамна не живее тука. Го познавам само по видување. Кога и да го видов, тој беше намуртен, нервозен. Никогаш не се насмевнал ниту не поздравил, а ни првите соседи не му мислат ништо подобро, тоа го знам затоа што се дружам со нив. Никогаш не сум ја видела неговата девојка, но сум слушнала за нив. Сето тоа го разбирам, љубовта не познава години, но мислам дека тоа не е вистинска љубов“, изјави за српски Блиц сосетка на познатиот актер.
Иако со години живееле во овој крај, соседството немало многу контакт со актерската двојка.
„Живееше тука до мене, не зборува многу со соседите. Навистина не знам каков човек е тој. Знам дека бевме соседи, но немав контакт со него. Немам ништо против него, слушнав дека со една комшика не зборувал со години, но не знам зашто, не навлегувам во тие работи, тоа го слушнав бидејќи сите овде се знаеме. Навистина немам ништо против него, сакам да ги гледам филмовите во кои глуми“, вели друг поранешен сосед на Ристовски.
Да потсетиме, Лазар во последните денови беше во центарот на медиумското внимание поради објавите од одморот на кој замина со својата партнерка, а актерот ја искористи приликата да позира во гаќички за капење покрај базен во луксузниот ресорт каде што престојуваат.
