Во официјалниот извештај на монархијата за оваа година, кој беше објавен минатата недела, во списокот нема задачи кои кралицата „мора да ги исполни“, пренесува People.
Тринаесетте точки што ги опишуваат должностите и улогата на кралицата сега даваат малку поопшт опис. Овој потег е прв од ваков вид по повеќе од 10 години, а се чини дека е и показател за здравствената состојба на кралицата која има 96 години и сѐ помалку може да се движи.
Дел од јавните должности на кралицата ги презеле принцот Чарлс и принцот Вилијам.
Кралицата минатиот месец го прослави платинестиот јубилеј на престолот – 70 години на чело на Обединетото Кралство. По тој повод беше организирана голема свеченост што траеше четири дена, а таа не присуствуваше на повеќе настани од официјалната програма.
