Претседателот Доналд Трамп е меѓу милионите Американци кои беа позитивни на ковид-19. Неговиот тридневен престој во болница, што вклучуваше дополнителни тестови за присуство на вирусот, екстра кислород, експериментален третман со антитела, неколку лекови и две возења со хеликоптер, веројатно чинеа повеќе од 100.000 американски долари, проценува „Њујорк Тајмс“.
Меѓутоа, разликата е во тоа што здравствената заштита за Трамп, како претседател, е бесплатна и финансирана од средства на даночните обврзници.
Првиот третман што го доби, односно Регенеровиот коктел со моноклонски антитела, е експериментален и натаму е во клинички испитувања. Бидејќи сè уште не е одобрен, нема наплата, но затоа просечниот Американец нема пристап до него.
Трамп, исто така, доби и Ремдесивир, антивирусен лек што првично беше развиен за лекување на ебола. Петдневен третман со него чини 3.120 долари со приватно осигурување, плус сите болнички трошоци за примена на лекот. Додека беше во болнички кревет, американскиот претседател примаше и Дексаметазон, евтин стероид што во просек чини 18,53 долари.
Најголема ставка во трошоците за лекување на Трамп, се чини, беше транспортот со хеликоптер од и до Белата куќа. Иако просечен пациент со ковид-19 не би требало да се превезува до болница со хеликоптер, како што прави претседателот на САД од безбедносни причини, медицинските возења со хеликоптер чинат меѓу 30.000 и 40.000 американски долари, според студијата на Универзитетот „Џон Хопкинс“.
За просечниот граѓанин на САД, само дијагностичкиот тест за ковид-19 чини 100 долари, иако во некои случаи се наплатува и до 1.000 за брис. Секоја ноќ мината во болница може да чини и повече од 1.000 долари, сума на која се додаваат и трошоците за лекарства, услугата на болничкиот персонал, а во потешки случаи и потребата за операција, за респиратор и опоравување од ковид-19, испорачаната сметка за пациентот е околу 60.000 долари.
Иако точните трошоци се разликуваат во зависност од болницата, државата и видот на осигурување, дури и оние со осигурување плаќаат во просек по 31.575 американски долари, наведува „Фер Хелт“ (FAIR Health).
